26. Januar 2013 noch 3 Nachzügler

Basel SBB, 11 Minute bevor dr Intercity Richtig Visp abfaart. Dr Urs, dr Teddy und Ych probiere in Zug yyzstyyge. Unglaublig: 100 Stutz fuer e Steeblatz. Ab Olte isch s Trauma Vergangeheit: Mir sitze, dr Aebtli hætt sunnscht öppis miesse höre! Schliesslig stoot nach gefüülte siibe mol umstyyge dr Steini fründlig wie immer an dr Haltstell vom Poschtauto. Gschafft!
   
     Nach feynem Aesse und ussgibigem Dringge leischte mir mied dr Matrazze Gsellschaft und träume vom Urs sine Versprächige für dr näggscht Daag.
 
Im Morgegraue stöömer uff. Morgeässe, Konditionstescht bis zur Kasse vo dr Gondelstation, Sunne, Schnee und sautroggeni Luft 🙂 fordere vo unsere usstrenierte Körper Zwangspause. Schliesslig kömme mir mied zrugg ins CROCUS und freue uns uffs Plättli , dr Wy, d Sportschau und s Fondue Steineeer.
 
E harte Oobe isch aagseit (drumm schryb i die Zyyle scho vorhär). I bi überzüggt, es goot im glyyche Raame wytter: E exclusyvy Bewirtig, guety Stimmyg, …..
 
Schliesslig bleibt uns numme no em Steini Danggschön für das glatte Wuchenänd z saage. MERCI (wie dr Latyyner seit).